Очајни домаќинки

И покрај краткиот живот на Џенис Џоплин стана легенда на музичката сцена во 60-тите години.Бунтовник во едно време исполнето со спротивни вредности таа грабна сè што можеше да понуди рок сцената станувајќи жена многу пред своето време.

Џенис Џоплин е родена во 1943 год. во малото гратче Порт Артур во Тексас, каде што најголем дел од жителите живееја од нафтена индустрија.Младата Џенис го мина своето детство со уметноста благодарение на нејзините родители Сет и Дороти Џоплин.

Таа е најконтраверзната личност на музичката сцена на 60-тите години на минатиот век која со право се вбројува во големите музички легенди.Нејзиниот краток живот бил исполнет со многу турбуленции кои ја носеле од нејзинатото мало родно гратче во Тексас до светските метрополи, од малите интимни кафетерии до суперскапите концертни сали, од сјајот на светската слава до трагичниот крај во еден холивудски хотел.Мира Фридман, авторка на една од многуте нејзини биографии со право вели дека Џенис се појави како „грдо пајче“ во нејзиното детство, но израсна во жена многу пред своето време, вистински бунтовник, пркосен отпадник и уметник со неспоредлива автентичност.