Очајни домаќинки

Добредојдовте на блогот создаден да ви ги покаже тајните на жената и сите нејзини позитивни особини, но и нејзините мани. Воедно ќе ви даде некои совети како да бидете успешни, модерни, прекрасни... ЕДНОСТАВНО НЕОДОЛИВИ. Блог на кој истовремено ќе бидат претставени најдобрите, најуспешните, но воедно и некои од најголемите злобници од женскиот род. Сепак сите се очајни домаќинки...

Во водата за капење ставете неколку ливчиња нане за да се чуствувате свежи и релаксирани и убаво искапете се. По капењето добро исушете и намачкајте го вашето тело со млеко, лосион, пудра или пак со некој свеж тоник за вашата кожа да биде помазна и помека. Облечете се удобно во некоја мека памучна облека и секогаш менувајте ја вашата облека барем двапати во денот. Ако ви е потребна шминка тогаш можете да нанесете некоја лесна маскара. Не е потребно да го оптоварувате лицето со некоја пудра, едноставно можете да го намачкате со некоја крема и да ставите малку руменило.

Како ваша опција за оваа пролет се долгите летни фустани и туниките кои можете да ги искомбинирате со некои летни сандали или пак со чевлите од типот на балерина.

Доколку сте изложени подолго време на сонце, задолжително намачкајте се дома со некоја крема која има заштитен фактор за вашата кожа да не се исуши од сонцето и да изгорите. Носете очила за сонце за да се заштите од силните сончеви и зраци, за да ја заштитите вашата коса и главата пожелно би било да носите некој сламен шешир или некоја друга опција на шстосни капи.

За да немате дамки од мозолчиња држите ги вашите нокти подалеку од вашето лице. Доколку ги иритирате тие ќе остават траги на вашето лице. Чистете го вашето лице со некој добар лосион кој содржи клиндамицин. Мачкајте го редовно со крема која ќе одговара на вашиот тип на кожа. Доколку сте предизвикале иритација на мозолчињата посетете козметичар.

Пролетта е веќе во тек, се е свежо и ново па така да и вие дами треба да бидете свежи и променети...едноставно прекрасно пролетни. Променете ја вашата фризура, изгледајте поубаво, дотерајте се и уживајте во вашата убавина. Оваа пролет се ин степенастите фризури и дијагоналните крмки. А за подолгите прави и целосно стилизирани коси се ин секакви видови на кокови. Во однос на гардеробата оваа пролет од модните парчиња изберете нешто во жолта, зелена, црна или бела боја. Повторно се враќа онаа мода со висок струк и високите потпетици, а како најдобар избор за дневна шема ви се чевличките од типот на балерина. А големите чанти сеуште остануваат ин, но сеа со малку повеќе украси. Оние кои не го сакаат овој избор на чанти можат да ги изберат портмоне чантите кои повторно го заживуваат својот тренд. Достапни се и во џинс варијанта.

Како најлесен и тренди избор кој секогаш се носи се фармерките. Широки, тесни, светли или темни секогаш се ин и секоја жена има барем по еден пар фармерки во својот гардеробер. Но, треба да се направи правилен избор на фармерки кои ке ги истакнуваат природните облини на жената, а сепак да ги покријат оние недостатоци на своето тело.

Жените се многу поуспешни во лажењето одколку мажите. Во едно истражување се вели дека всушност лажењето за жените е како еден вид техника за преживување, бидејќи тие лажат тогаш кога сакаат да постигнат или да добијат нешто. Но, иако жените се талентирани за лажење не се толку способни да го излажат детекторот за лаги.

* кога купуваат некоја скапа чанта најчесто ја кинат цената и кажуваат дека ја купиле по многу пониска цена отколку што таа навистина чини

*50% од нив велат дека уживаат во чувањето и дружењето со своите деца, но сепак им завидуваат на оние кои се слободни, кои сеуште немаат деца и семејство

*повеќе од 60% од жените ги имаат изневерено своите партнери

*повеќето жени лажат дека се со постари затоа што ги сакаат, а всушност тие се со нив заради нивните пари

*тие лажат понекогаш и за пластичните операции, за парите и слично за да се натпреваруваат со другите жени, но всушност ти се залажуваат самите себе си

Некои истражувачи од Њујорк сметаат дека кога станува збор за депресијата,доколку настапила на порана возраст,зголемувањето на телесната тежина било поголемо.На пр,30 годишна жена, кај која била дијагностикувана депресија на возраст од 14 години, имала во просек пет до седум килограми повеќе од своите врснички без депресија, а разликата во тежината е помала доколку депресијата е дијагностикувана на возраст од 18 години.Анксиозноста се поврзува со вишок од три до шест килограми, но без оглед на возраста на која е дијагностикувана.Ниту депресијата, ниту анксиозноста не влијаат врз дебелеењето на мажите.

Жената во праисторијата била почитувана и се сметала како столб во едно семејство,симбол на плодноста и на убавината. Ја сметале за многу важна личност бидејќи се грижела за огништето – домот, куќата и своето семејство.Од самата жена – мајка произлегол човекот и светот. Од неа се се создава, завршува и повторно се препородува во неа. Таа е самата куќа. Садот е нејзината утроба, земјата (теракотата) е нејзината карактеристика. Во дамнешните времиња жената била заштитничка на биолошката репродукција и како таква била љубена, обожувана и почитувана. Така е денес, а така било и во далечното минато.Уметниците од неолитот и палеолитот кои ги вајале праисториските дами, додека го вајале нивното тело, обожавале да ги истакнуваат нивните природни атрибути. Тие вешто изработени статуетки ги поставувале на централно место во домот. На тој начин остварувале комуникација со боговите и имале среќа во домот и семејството. Статуетките или фигурите на убавите Неолитски дами се во седечка или стоечка положба, столбовидни, но и цилиндрични фигури поставени на модел од куќа. Имаат потенцирани колкови, гради, стомак и бедра.

Поттикнати од големиот број настани поврзани со прашањето-жените и политиката се претпоставува дека жените т.е. „на власт“ кај нас сè уште немаат чувство за постоење на глобални проблеми кои најмногу ја погодуваат жената.Така да,доколку вашата констатација е точна би можело да се одговори дека причините за неактивноста на жените во политиката се веројатно резултат на различните видувања на нештата.Имено, вклучувањето во власта и политиката, без разлика дали станува збор за маж или жена е пред се водено од личните интереси и мотиви-моќ, позиција,статус.Поаѓајќи од таа перспектива не е ни чудно зошто повеќето жени вклучени во власта,не преземаат иницијативи кои би воделе до зголемено учество на жените особено на оние функции кои се доделуваат по пат на именување.Затоа е особено значајно да се работи токму на јакнењето на свеста и да се градат стратегии за начините на кои би можела да се оствари поголема партиципација на жените во решавачките структури.Ваквите иницијативи можат да се најдат во рамките на граѓанскиот сектор.

Дали слободата на жената започнува со појавата на струјата и со појавата на машините за домаќинство?Дали жената започнува да се спознава и препознава преку кујната?Прашања кои веруваме секоја жена си ги поставува катадневно,а особено сега кога информатиката го доживува својот зенит.Денес ништо не е необично доколку во кујната се судрите со еден плакар во кои едно до друго се наместени фрижидерот,машините и миксерот.Апаратите за домаќинство на почетокот од веков се вгнездиле длабоко во нашите огништа оставајќи малку по малку простор кај жените за нивно ослободување од домашните обврски.Феминистките,секоја од свој агол ја прифатиле појавата на роботиката во дмаќинството.Првите електрични апарати на кои местото им е во домаќинството се правошмукалката 1859 г. , машината за за миење садови 1865 г.Кај нас, за жал, сето тоа доаѓа многу подоцна но денес ниту нашите жени не заостануваат во поглед на можноста да ги снабдат сопствените кујни со сите потребни апарати за домаќинство.

БИК-овие жени ги сакаат добрите работи во животот и затоа побарајте прекрасни накит ,ланче со срценце или некој добар албум од нивниот наомилен пејач/актер.

БЛИЗНАЦИ-тие сакаат да комуницираат со подароци како на пр. мобилен телефон, па затоа некој додаток за мобилниот ќе им затреба.

РАК-овие жени сакаат да бидат чувани и негувани.Вино и вечера со стил во некој ексклузивен ресторан или пак пикник со прекрасна храна сигурно ќе и се допадне.

ЛАВ-овие жени мислат дека се кралици, па затоа задоволете ја со подароци како шампањ,злато, дијаманти и сл.

ДЕВИЦА-оваа жена е практична па подарете и нешто како на пр.кожена ташничка, кутија за накит и сл.

ВАГА-овие жени почестете ги со елегантно јадење покрај свеќи,подарете и некоја убава дона облека и сл.

СКОРПИЈА-оваа мистериозна жена е реалист.Нејзината сензуалност бара целосно внимание па затоа отидете некаде каде што е романтично.

СТРЕЛЕЦ-оваа жена го цени вашиот труд и време да направите нешто за неа, дури и повеќе отколку скап подарок.

ЈАРЕЦ-само ако сте сензуален маж можете да бидете со ваква жена.2 часовна масажа може да биде најдобра идеа.

ВОДОЛИЈА-не баш романтишна личност, но сепак има љубопитен ум.Таа би сакала некоја интересна книга или ЦД кое го нема чуено.

РИБИ-оваа жена сака да знае што чувствувате за неа.Потоа поминете малку квалитетно време заедно на викенд на пр.класична романтичарка,па затоа црвени ружи се задолжителни.

Во изминавиве 500 години, од кога Леонардо да Винчи ги нанел првите потези на платното што подоцна ќе стане портрет на најпознатата домаќинка во историјата, за Мона Лиза е напишана обемна литература, цела митологија.Денес таа е глобална икона со статус на модерна сфинга.Дали тој што ќе ја открие тајната на молчеливо- циничниот безизраз на нејзиното лице ќе го олесни светов за една мистерија помалку?...Мона Лиза-фам фаталот на италијанската ренесанса.Француските кралеви долго време ја чувале во бањите на дворецот Фонтенбло.Едно време, таа му правела друштво и на Наполеон во неговата спална соба.Писателите, како Жил Мишле, Жил Верн и Стефан Маларме и изјавувале љубов преку зборови...Денес Мона Лиза важи за глобална иконаи симбол на западната култура.Култура на потрошувачката и профитот, во која експлоатацијата на нејзиниот портрет е подеднакво возможна и оправдана како и генетското илонирање.Денес знаеме дека Мона Лиза била родена на 15 јуни 1479 година, како ќерка на еден ситен благородник.Кога Лиза, со моминско презиме Џерардини, на 16 години се венчала со Франческо ди Бартоломео де Зануби дел Џикондо, кој тогаш имал 35 години,во својот чеиз понела 170 флорини.Во времето кога Франческо дел Џикондо побарал од Леонардо да го наслика портретот на неговата млада сопруга,Лиза веќе била мајка на една ќеркичка која починала како мала, и на две момчиња.Џорџо Вазари, биограф и современик на голем број италијански ренесансни мајстори,тврдел дека Леонардо се обидувал да измами насмевка на лицето на Мона Лиза ангажирајќи музичари и пејачи, коишто ја забавувале додека таа му позирала.На тој начин, наводно, портретот не испаднал меланхоличен ,како што обично портретите од тоа време делуваат.Но, тој податок на Вазари често е посочуван како сомнителен , бидејќи бил од втора рака.Подеднакво „проверен“е и податокот дека Мона Лиза му била тајна њубов на Леонардо и дека тоа е вистинската причина што уметникот се до својата смрт со себе го носел портретот, каде и да патувал.Некои експерти веруваат дека Мона Лиза е автопортрет на Леонардо,и е подеднакво недостижна,дистанцирана, недопирлива, таинствена.Исто како и самиот Леонардо,и таа на прв поглед изгледа како обичен човек, создаден од истата материја како и сите други.Но, исто како што Леонардо пишувал исклучиво за себе така и Мона Лиза е воздржана во својот однос кон другите.На тој начин го привлекува нашето внимание а ние измислуваме секакви приказни зад нејзината молчаливост. Митот за неа се зголемува во зависност од маќта на нашата фантазија.Како со таа воздржана насмевка да ни се потсмева, нам гледачите, во целиот наш безуспешен напор да ја разоткриеме.За да ја нацрта на Леонардо му биле 4 години работа.Наместо да ја испорача на нарачателот Да Винчи портретот го носел со себе каде и да патувал, некаде по пат ја досликал и заднината, од која Мона Лиза како да е отсечена.Таа е далечна енигматична, тивка и молчелива...Површно гледано, таа нема ниту некоја особена физичка карактеристика што би укажала на нејзиното минато или што би ја навестила нејзината иднина.Таа е безизразна, празна, како огледало.А тие што се залудени по неа? Па, тие се вљубуваат во приказната што доброволно ќе и ја прикачат, занесени по својата фантазија, претстава, илузија...

Според некои истражувања жените коишто отворено ги искажуваат чувствата при брачните расправии имаат 4 пати помали шанси да умрат во следните 10 години, за разлика од оние жени кои што ги кријат своите чувства.Исто така оние жени кои се молчаливи најчесто се под депресија.Најважно е дека оние коишто не се расправаат дури 4 пати почесто умираат од оние коишто отворено се изразуваат.Затоа се потенцира да постои здрава комуникација во бракот.

1.Не обидувајте се да ја изчистите пренатрупаната соба.Најнапред исфрлете ги сите непотребни работи.Така ќе добиете во време и нема да се вртите во круг.
2.Не почнувајте со чистењето без план.Најнапред разгледајте ја собата и решете од каде ќе почнете.

3.Не загледувајте се во предметите што ги чистите- со тоа само губите време, а и поради невнимание може да се повредите.ТВ задолжително исклучете го, а телефонот префрлете го на телефонската секретарка, доколку ја имате, за да одговара наместо вас.

4.Чистете секој ден по малку.Со ова ќе ги избегнете големите и напорни чистења.

5.Запалете светилка немојте да ја бришете со мокра крпа, може да експлодира.Екранот избришете го со влажна крпа и детергент за стакло само ако е исклучен и ладен.

6.Не користете производи пред внимателно да го прочитате упатството.

7.Не машајте ги детергените и чувајте ги во оригиналните пакувања.

8.Рерната со „самочистење“немојте да ја чистите со детергент, ќе го уништите внатрешниот заштитен слој.

9.Ако сакате да подигнете или да преместите тежок предмет, внимавајте да не се повредите.Не наведнувајте се, туку товарот кревајте го со клекнување.

10.Правошмукалката не влечете ја за цевката, или, полошо, за гајтанот.

Жени-се изборија за право на глас,за политичка и релативна економска рамноправност,за можност да носат „поколоритни панталони“ од мажите...
Ама, и не баш за се.Борбата тука не завршува.Впрочем таа допрва почнува да се развива...
Горенаведениов текст само покажува колку се жените цврсти и желни за да бидат слободни и рамноправни исто како мажите,но сепак покрај тоа тие се доста нежни,сензуални,мистериозни и недефинирани...
Тие карактеристики кај жената може да се откријат само со еден мал гест на внимание...
Да погодиме што би можело да се крие под педантно исполнетата украсна хартија!?Па, ако знаете за каков табиет на жена станува збор и, уште подобро, ако тие денови скокнавте до градскиот трговски центар веднаш ќе направите категоризација со визуелни флеш-бекови.На пример, уметнички орентираната дама ќе добие:
1.Гибсена статуетка на ангелаче што чита...,
2.Ламба на основа од дрво во природна форма со препарирано животинче како украс...,
3.Залез на сонце во сомнителна техника или врамен постер со репродукција на некое дело од Васко Ташковски.

Домаќинката -чуварка на домашното огниште, може да се надева на
1.Тавче за пржење
2.Везено миле
3.Елегантни ракавици за работа со рерна...А, за „класичарките“изборот очекувано е најголем:букет цвеќе, суво цвеќе, саксиско цвеќе, препарирано цвеќе, цвеќе во вазна, пластично цвеќе и слични подароци и дребулии.

Туку, кога го начнавме веќе градскиот центар земајќи го во предвид неговото историско и социолошко значење за развојот на комуникацијата во населените места, така пред кружниот тревник на плоштадот сфаќаме и дознаваме дека жените се против:насилството, тероризмот,злоставувањето, агресијата, војната,и сличните производи на мачо-шовинистичкото општество!!!

*Носете облека која ќе биде во склад со вашите години.Ако имате повеќе од 30 години носете облека која сепак ќе биде во тренд, но гледајте убаво да прилега на вашето тело.

*Како знак на женственост отсекогаш била долгата коса.Но, доколку не умеете да ја негувате заборавете на тоа и имајте кратка, но средена фризура.

*Сите знаеме дека високите потпетици се навистина доста модерни и стојат навистина секси на секоја жена, но доколку не знаете да одите во нив подобро не трошете пари, туку купете си некои пониски кои ќе бидат удобни на вашата нога.

*Добро би било да се знае кога треба да одите некаде како да се облечете.Ако имате на себе многу јака шминка и „едно кило“пудра и предотерана од глава до петици,ќе приметите и самите дека сепак тоа би изгледало многу невкусно и непријатно, па затоа внимавајте како ќе ја вклопите облеката на вашето тело и истовремено дискретно нашминкајте се.

Иако сепак работата и помага да биде економски независна и

самостојна, и секако да се чуствува корисно, тоа не значи дека секоја жена не се соочува со некои проблеми на работа. Најчесто тоа се случува кога вработените жени ќе забременат и родат бидејќи тогаш ќе треба да ги усогласат работните и семејните обврски. Честопати се случува жените да имаат и продолжено работно време, што е и навистина напорно, а сепак ретко се случува за тој труд да бидат наградени со повисока плата. И наместо кога ќе дојдат дома да се одморат за следниот работен ден тие ги завршуваат работните обврски...или пеглаат, или перат....и што попрво...дали да посвети внимание на своето дете, на сопругот или на средување на куќата??? А за себе време нема. Епа навистина не е лесно....Браво за оние кои успеваат во сето ова!

Кога ќе се спомнат слатките, и мажите и жените неможат да одолеат, а да не пробаат. Но, дали повеќе мажите или жените сакаат слатки? Се разбирадека жените се поголемите љубители на слатките. Таа женска љубов спрема слатките најмногу се чуствува за време на менструалниот циклус. Секоја жена во тој период има зголемена потреба за благо. Друга причина поради која жените ги јадат слатките е стресот. Честопати се случува да сме нервозни и да посегнеме по нешто благо за да го намалиме стресот. За разлика од нив мажите сметаат дека слатките се за уживање па затоа кога ти се под стрес повеке посегнуваат по масти и белковини. Кога се под стрес жените имаат нередовни оброци или пак она што го внесуваат во организмот нема доволно хранливи состојќи. Затоа тие во замена за оброк каснуваат нешто што би ги држело повеќе од два саата, па во тој случај каснуваат нешто благо. Така ќе се чуствуваат задоволно бидејќи ќе внесат поголемо количество на шеќер и ќе чуствуваат помалку стрес. Затоа одете до најблиската продавница и купете си нешто благо.

Да се најдат вистински луѓе за бизнис е клучна работа, а е се потешко да се најдат соодветни таленти.Затоа како деловни луѓе не би било потребно да се игнорира повеќе од половина населението-ЖЕНИ. Жените и мажите се различни,но предностите на жените се усогласени со потребите leadership на новата економија.Трпението,емпатијата,постигнувањето на компромис,сето тоа денес е преку потребно за бизнис, и во сето тоа жените се подобри од мажите.
Натаму,жените многу полесно од мажите импровизираат, повеќе им веруваат и ја следат својата интуиција, полесно воспоставуваат односи, делат информации,можат да работат многу работи едновремено.Жените се пообразовани-податоците од САД покажуваат дека до 2010-та година ќе има 1,42 жени на еден маж со ВСС диплома, како и 1,51 жени на еден маж со завршен МБА.Исто така жените повеќе читаат книги и повеќе студираат во странство.

Жените на 50-годишна и поголема возраст се идеални кандидатки да бидат шефови и да го водат бизнисот. Ова е докажано според една анкета која е спонзорирана од страна на ,,British Telecomunications” . Во оваа анкета се вели дека жените се во предност во однос на мажите бидејќи имаат нежна рака за да управуваат со новите технологии и ги согледуваат предностите во својата работа и имаат поголема доверба во работниците кои своите работни обврски ги исполнуваат на терен односно надвор од канцеларијата.Анкетата направена на 3000 раководители во високо технолошкиот сектор, покажала дека недовербата се намалува со се поголемата возраст на шефот. Определувањето на нивниот работен персонал е многу битно, повеќе и некои други работни обврски. ,,British telecomunications” смета дека жената ќе биде таа што ќе го води и ќе биде лидерот на бизнисот поради нивниот социјален и емотивен пристап кон работата. Тие ќе бидат оној баланс кој е потребен за да се отстранат негативните влијанија на работното место.

Понекогаш се прашуваме дали е тешко некој нас да не разбере или ние сме толку сложени како што самите мажи имаат претстава за нас. Мажите би дале се да бидат во женската потсвест и да дознаат што е тоа всушност што жената ја прави среќна, за на тој начин тие да можат да и угодуваат и да и приредуваат пријатни изненадувања. За жал според една анкета е докажано дека всушност она што мажите ги прави среќни, во никој случај не е она што жените ги прави среќни........како би можеле да го промениме тоа...? Жените би биле среќни и задоволни доколку успеат да се решат од вишокот на килограми многу лесно, да го најдат идеалниот сопруг и да имаат дете. Додека пак мажите би можеле да бидат среќни и задоволни доколку би имале кригла ладно пиво во својата рака или уживаат на некоја плажа со некоја русокоса убавица. Но, едно нешто што ги прави среќни и мажите и жените се страсните бакнежи како и прекрасните подароци кои се подаруваат без некој посебен повод....интересно нели?

Според една анкета се вели дека жените околу својата 30-годишна возраст се најпосакувани. Овие резултати се базираат на тоа дека мажите со помладите девојки можат да поминат само една ноќ.......и ништо повеќе.Тогаш се прашуваме што е тоа што овие жени го поседуваат и со што ги привлекуваат мажите?

* Во нив можете да имате целосна доверба. Можете да им кажете што сакате и да им ја доверите својата тајна, а тие ценејќи ја вашата доверба во нив нема да ве изневерат и да ве издадат.
* Тие се независни. Можете слободно да ги одведете на состанок без притоа да се плашите дека таа на вас ќе гледа како на потенцијален сопруг или љубовник.
* Имаат доволно сексуално искуство и во однос на тоа тие можат да бидат идеални љубовници бидејќи знаат дека секој маж не е идеален во кревет и не се премногу претенциозни.
* Посветуваат поголемо внимание на мажите. Младите девојки повеќе се загрижени за себеси, за својот изглед и убавина, додека пак 30- годишните жени имаат повеќе време за мажите.
* Надежноста на овие жени е она што нив ги краси. За разлика од младите девојки тие се поискусни во барањето работа и имаат поголемо разбирање и успешно ги комбинираат службените и семејните обврски.

Напред 30- годишни дами...Вие ја имате најголемата предност кај мажите!

Ако прашате било кој маж дали му е пријатно некој да се грижи за него, да го подготвува секое утро за на работа и секоја вечер да го чека со спремна вечера со домашно зготвено јадење, тој најверојатно ќе ви одговори ДА.Сето тоа е точно затоа што во крајна сметка тоа е во природата на мажот- да бара перфектна жена која ќе ја гледа куќата и ќе ги воспитува децата.Мажот сака саканата едновремено да биде добра домаќинка но истовремено да биде и прекрасна во интимните игри.Затоа не брзајте да потонете во куп алишта за перење и готварски рецепти за да го импресионирате саканиот, не се обидувајте да се претворите во негова втора мајка која постојано ќе трчкате по секој негов запостевен предмет , со тоа што тој е навикнат некој да се грижи за него.ЗАТОА РАСПРЕДЕЛЕТЕ ГИ ЗАДОЛЖЕНИЈАТА ПОДЕДНАКВО БЕЗ ДА ПОСТОИ НИКАКОВ КОНФЛИКТ!

Во едно британско истражување пренесено од Би-Би-Си, се вели дека жените кои одат на работа се поздрави од жените кои се домаќинки. Направено е испитување на 1200 жени на возраст помеѓу 15-54 години во период од неколку десетлетија. Резултатите од анализите покажуваат дека жените кои после 5о-годишна возраст се омажени, имаат деца и постојана работа имаат подобра здравствена состојба од оние кои не ги исполнуваат овие 3 задолженија. Жените кои се домаќинки своето здравје го определуваат како ,,расклатено". Зад нив се самохраните мајки и жените без деца. Во однос на телесната тежина, 38% од домаќинките страдаат од прекумерна тежина, додека кај оние вработени има само 23% од нив кои имаат вишок на килограми. Факт е дека домаќинките се движат многу помалку од вработените жени , готват повеќе, а според тоа и јадат повеќе. Иако е познато дека жените кои имаат работни обврски се подложни на стрес, сепак истражувањата покажале дека на долгорочен план тоа има позитивино влијание.